6 نتيجة بحث عن سارهه_الحربي

من طرف مدير كبير: في الأحد فبراير 17, 2019 3:34 pm; ابحث في: قسم خاص بالشاعره ساره الجابري الحربي; موضوع: سلم على روحك; المساهمات: 0; مشاهدة: 204

سلم على روحك

( سلــم على روحــك )

المسحوب

مستفعلن مستفعلن فاعلاتن

‏حـنا مجنن مـن زمن وانت يا زين

زودتــنـا عــلـى الـجـنـانه جـنـانـه

الـيا ضـحك وجـهك ولديت بالعين

اسـرج حـصان الشعر واطلق عنانه

فـي بـسمةٍ تـاخذ من الصبح ثلثينا

الـعين تـاخذ من دجى الليل خانه

والـشاعر الـيا قـال فـالعشق بيتين

مـجبور مـن يـسمع يـصحح لـسانه

وانـا عـليّ اجـيب له بين (قوسين)

بـيتٍ مـا يـعرف قـسوته من حنانه

مـتـمكن بـقلبي مـا يـحتاج تـمكين

ومـنـبوذ مــن قـلبي و ولـىّ زمـانه

من سبته كم رحت ساري على وين

أمـيـل عــن ربـعي و أوقّـف وزانـه

لـكـن عـلـى مـا قـال لا يـبتعد لـين

تـضـحك ثـمـاني مـن تـبسّم ثـمانه

عـادك تبى تفارق مهو الحين بعدين

وكــل واحــدٍ مـنّـا بـتـبكي عـيانه

ان مـا قضينا الحب بالعسر و اللين

مـا حـن بـنعرف هـامته مـن طمانه

نــارد هـمـاج الـمـا و حـنا عـفيفين

ونـعيف طـعم الـما و نـجفى مكانه

ونـعود ضـميا قـلوب لـكن عزيزين

لـي شـاني ف قـلبه و فالقلب شانه

خــل الـمـعاند لـيـه حـنـا عـنيدين

الـيـا قـسينا الـوقت يـصعب لـيانه

مـا يـقتل شـعور الـغلا غـير ثـنتين

كـثـر الـتـصدد مــن مـزاج ولـعانه

وأنـا لو ابغى اصد صديت من حين

شـفت الـجفا مـعلن بـصفحة بـيانه

لـكـن هـل الاخـلاص جـداً قـليلين

فـالـحب مــا تـلقى وسـيع الـبطانه

سـلم عـلى روحـك سلام الكريمين

واخـذ الـمحبه مـن خفوقي ضمانه

#سارهه_الحربي

تم تحرير القصيده يوم الخميس 4 /5 / 1440هـ

نقل وتدقيق مدير كبير

من طرف مدير كبير: في الأربعاء يناير 16, 2019 8:42 pm; ابحث في: قسم خاص بالشاعره ساره الجابري الحربي; موضوع: قاطع وصل; المساهمات: 0; مشاهدة: 177

الهجيني الطويل
مستفعلن فاعلن مستفعلن فعلن
‏مانيب ناوي وصال ان كنت قاطع وصل
ويـمـينك اقـبـل عـطـاها كـانـها مـدّتـه
قـبلت عـذرك وسامحتك رغم ما حصل
وغـلـطـاتك الـيـا بـنـينا جـدرنـا هـدّتـه
و الـيـوم لا عــاد تـرسل لـي ولا تـتصل
الـمقفي ان غـاب مـا ادور سـبب صدته
ضـحيت لـجله مـا ودي نـبعد و ننفصل
حـتى الـمحبه مـن الـخفاق مـا سـدّته..
فـالعين و الـقلب له منزل فروع و أصل
و غــلاه مـبطي مـعاي و طـوّلت مـدته
ف الاربـع فصول زاد الحب فصلٍ فصل
احــب مـنـه الـرخا و اهـيم فـي شـدّته
مـثل الـذي صـايمٍ مبطي و مفطر بصل
حـبـه ظـروف الـزمان ان جـابته ودّتـه
قـلـبي و قـلـبه عـهـدهم دايـماً مـتصل
يــلـد روحــي و روحــي بـالـغلا لـدتـه
ضـديـت لـجله عـباد الله و لـيته يـصل
ديــرة رفـيـقه و لــو ان الـعرب ضـدته
له بالخفوق امنيات و مكرمات و خصل
تـمـايلت لــه و غـيـره شـامـت و ردّتـه

#سارهه_الحربي

تاريخ التحرير

من طرف مدير كبير: في الثلاثاء ديسمبر 18, 2018 9:04 pm; ابحث في: خاص بـ سليمان الشاردي; موضوع: قد لي ثلاث ايّام ( مجاراة ); المساهمات: 0; مشاهدة: 471

قد لي ثلاث ايّام ( مجاراة )

تشرفت بكم جميعا وبمجاراتكم

اعتذر من أصحاب المشاركات الغير موزونه

البحر ( المسحوب )

مستفعلن مستفعلن فاعلاتن

ابـيــات الـمـجــاراة

قد لي ثلاث ايام يا ناس سهران

مدري !! علام النوم عيّا يجيني

اروح وارجع تايه الفكر حيران

ما غير افاخت من يسار ويميني

والمضحك المبكي من الواقع الآن

ادوّر الأشياء وهي في يديني!!

‎#سليمان_الشاردي

______________

الابيات المشاركة في المجاراة

______________

‏‎‎‏‎الوضع واضح للعرب يا سليمان

سهران من كثر الوله والحنيني

لكن تمسك بالصبر ياكحيلان

وندعي على بلواك ربي يعيني

ترا الزمن ماهو موقف على انسان

لو انه اغلى من نظر نون عيني

‎#غيـم

______________

‏‎العشق طعمه سم لاصرت عشقان

وان كنت عاشق روح لا تبتليني

اشوف بيته سجن من غير بيبان

ف البرد ارقف منه ويندى جبيني

والي بقى من سيرته ياسليمان

يلعب على المسحوب لعب الهجيني

#خالد_بن_عيد

______________

‏‎‎الوضع هذا دارج بكل انسان

حتى صغير السن شفته بعيني

لا تاه قلبك مايفيدن الاعيان

هذى مثل دارج وظنه يقيني

لكن !! ياسليمان ! أغديك هويان ؟

ترى الهوى شره وخيره يبيني !!

‎#عبد_الودهي

______________

‎‏‎ها ذي علامات الكبر ..ياسليمان

سوي رياضه وعْضلاتك. تليني

شوف النوادي ماليه كل الاركان

سجل بإحداها اذا انك فطيني

تتنشط الأعضاء والذاكرة تصان

والنوم ياتيلك سريعاً وزيني

‎#رباب

______________

‏‎‎وشلون من يسهر على طول مرضان ؟

ماغمضت عينه ولا له عويني

حتى المسكّن نفعته نوب واحيان

من شدّة اوجاعه كلامه ونيني

عسا الذي انزل تبارك والإنسان

ينزل عليه العافيه واليقيني

‎#مسك

______________

الله يرحم حالك وحال من كان

وعزي لمن مثلك يجر الونيني

النوم يجفي العين لا صرت مرضان

والا من مفارق عزيز وحزيني

يدق هوجاس السهر بين الاعيان

ويذكرك وقتاً مضى من سنيني

#عقد_لولو

______________

‏‎ترى السَّهَر ما هوب صحه للابدان

ولا تشتكي مما شكت منه عيني

حِيرٓتك هذي حٓيَّرَت كل ولهان

وملامح العاشق بنظره تبيني

غٓيِّر برستيج السَّهَر قدر الامكان

ولملم شتات اللي مضى من سنيني

‎#حروف_المشاعر

______________

‏‎يا مدوّر الحاجه وهي بين الأعيان

وش لك من اللي بالحنايا دفيني

كانك ثلاث ايام تسهر ومشتان

أنا شهور !! تحايل النوم عيني

وان كان تجهل ليه تسهر وبلشان

ليتي جهلت المشكله في يقيني

فـ غياب من حبه لو أخفيته يبان

وادري معادهـ راجعٍ لو يبيني!!

‎#صروووف

______________

ياللي شكيت الهم السهْر عنوان

وتقول جـور الوقت بـيّـح كنيني

اذكر إلـٰه الكون في كل الاحيان

وادعي على الظلّام والحاسديني

وخذ فرصتك والعمر رحله وميدان

مابين طيش وبين عـقـلٍ رزيني

سج القدم لاصرت بالوضع بلشان

الله مـوسّـعـها علـى الـعالمـينـي

والدار من عقب المطر جوها زان

ممشن بها ينسيك همَّ السنيتي

#نوره_العطاوي

______________

‏‎يقولون في الأمثال والنوم سلطان

ما عاد هو يأمر على العاشقيني

يا صاحبي خذ الخبر دون إعلان

مني وأنا لك عون وانته عويني

طاري السفر يخلّي القلب طربان

ويزيح عن خاطرك همَّ السنيني

‎#امس_الحنين

______________

‏‎‎ماني بشاكي همَّ قلبي على انسان

لو ( السهر ) ربّع وقيّض بعيني

دام الحكي والصمت في كف ميزان

رجّحت صمتي عن فرح شامتيني

ياخف همَّ القلب لو وزنه اطنان

ويا ثقل كلمه في شماته تجيني

#موج_القصيد

______________

‏‎مبطي وقلبي بالهواجيس بلشان

لكنْ محد يسمع بكايّ وْ ونيني

ما نيب متشرّهـ ولا نيب عتبان

الله على جور الليالي عَويني

يالشاردي في ذمتي بعض الاحيان

انشد عن أسمي وأهليّ وْ والديني

#سارهه_الحربي

______________

‏‎يالشاردي معذور من قلب ولسان

مرفوع عنك اللوم والله يعيني

الوضع متغيّر ما هو مثل ما كان

واللي نشوفه يندىٰ منه الجبيني

انعايش الواقع على قدر الامكان

والّا علىٰ الماضي يلجَّ الحنيني

#معجب

______________

‏‎من يترك الواقع وينساهـ بطران

بطران مالل واقع المستكيني

تارك شريك العمر مضلوم نعسان

وملليت صوت القايله يا ضنيني

غلطان يا شارد على الوهم غلطان

تبحث عن الواقع بمصنوع صيني

خلّك مع الواقع بلا نتّ وادمان

وعايش فعال الواقع المستبيني

لاترتهق وتعيش سهرات وجنان

وتترك وليفك بين دمع وْ حنيني

‎#عاطف_العاطفي

______________

‎يالشاردي دنيـا الفـنا شانها شان

لا باح منك الـسدّ .. باح الكنيني

حالك يقول انك من الحب ولهان

ايشوفها غيري وانا اتشوف عيني

اللي يعاني من صدوداً وهجران

يقضي ليالي طرف عينه حزيني

#ريف_شمران

______________

‏‎يالله وانا طالبك يا وال الاحسان

ترفق بحاله يوم باح .. الكنيني
يقول عيني عافت النوم سهران

تايه ولا ادري عن امرٍ يجيني
العلم يابن الشاردي واضح وبان

دامك وصلت لحالة التايهيني

هذا الهوى ما فيه شكٍ وبهتان

والله على سهر الليالي يعيني
#فاقده_غالي
______________
17

ما عندك ازهيمر ولا فيك نسيان

ما غير خايف وقعتك بالكميني

احذر تحصن وأقرأ طـٰه والانسان

وايضا اذكر الاوراد في كل حيني

بعطيك رموز وانته لها حيل فهمان

بخبرتي من ما مضى من سنيني

#احمد_الشيخي

______________

‏‎الواقع ان محزمك بالشعر مليان

قرم و ليا جت للمواقف عويني

والمبكي انّي خابرك شخص بطران

وش بك عسى ما شر يا بعد عيني

ما لك سوا دعوة قديرٍ و منّـان

ملاذ من جارت عليه السنيني

هذا كلامي واستمع فيه بإذعان

ويا الله تشفيهم .. و لا تبتليني!!

‎#عمر_الشاردي

______________

‏‎تعبان من فرقى المحبين تعبان

ومالي صبر أقوى على افراق حبي

سنْتين قلبي ينوح ويصيح ولهان

أبداً وخلّي ما درى شو فـ قلبي

#عوض_المياسي

______________

تقبلوا تحياتي

من طرف مدير كبير: في الإثنين ديسمبر 10, 2018 9:29 am; ابحث في: خاص بـ سليمان الشاردي; موضوع: هيهات يا صاحبي هيهات شطر بيت للتكمله; المساهمات: 0; مشاهدة: 549

هيهات يا صاحبي هيهات شطر بيت للتكمله

تشرفت بكم جميعا وسعدت بمجاراتكم جميعكم ابدعتم صحت الألسن وشكراً لكم

علما بأن الترتيب ليس بالافضلية في قوة الابيات إنما بزمن المشاركة الأقدم فالاقدم

[ندعوك للتسجيل في المنتدى أو التعريف بنفسك لمعاينة هذه الصورة]
شطر البيت

(هيهات ياصاحبي هيهات)

#سليمان_الشاردي

البحر الهجيني القصير ( الكسرة )

مستفعلن فاعلن فاعل

البارحه في صميم الذات
الجرح والشوق والغيره
حدت خفوقي على التنهات
من مقدم الصدر وتثيره
اجاذب الحرف والونات
والدلو ظامي على بيره
الناس تمشي على النيات
وانا وقلبي على السيره
(هيهات ياصاحبي هيهات)
النور ما شاقنا غيره
الليل لو يحجب الهامات
الصبح ننبيك عن طيره
انسى وبنسى زمانٍ فات
الكسر ما فاد تجبيره
تلعب على الوصل بالسجات
وعن وصلكم بعدنا خيره
‎#خالد_بن_عيد

(هيهات ياصاحبي هيهات)
لا تضمر الشرّ و تبيّت
قبلك فعلها عميل و مات
وانت في حسب الوطن ميّت
#خضر_الحربي

(هيهات ياصاحبي هيهات)
ما يختلج داخلك هاته
اللعثمه تقتل الرغبات
ما توصل الودّ غاياته
‎#ماجد

‏‎(هيهات ياصاحبي هيهات)
انساك لو طالت المدّهـ
يا كيف طرف العيون تبات
والشوق فيها وصل حدهـ
#موج_القصيد

‏‎(هيهات ياصاحبي هيهات)
البعد و الوقت ينسينا
نمرر الحزن و الآهات
نبحر و نرجع مراسينا
#نور

[ندعوك للتسجيل في المنتدى أو التعريف بنفسك لمعاينة هذه الصورة]

‏‎(هيهات ياصاحبي هيهات)
عزّلت ما ظنّ لي ردهـ

‏‎اول نقول صافي النيات
وخطابك اليوم فيه حدهـ
#أحمد_الشيخي

(هيهات ياصاحبي هيهات)
ما فات من عمر ما يرجع
#لؤلؤ

(هيهات ياصاحبي هيهات)
عطاي لك ما ملى عينك
ماني بقانعك باللي فات
ولا نيَ بضارب ايدينك
#رشيد_الحارثي

(هيهات ياصاحبي هيهات)

‏‎‎لا يغرّك الصمت لا يغرّك
طبيعيَ نخفي الآهات
دام استوى خيرك وشرك
#مشعلي

(‏‎هيهات ياصاحبي هيهات)
اجفاك مهما العذول يقول
إلّا .. اذا صرت بالاموات
واقفيت فوق النعش محمول !!
#جهني

(هيهات ياصاحبي هيهات)

وين الغـلا و المحـنيّـه

اجيك شايل معي كلمات
واروح لا ذي .. ولا ذيّـه
وين التحايا مع النظرات؟
وين العهـود الغراميّـه؟
راحت مراحك ولكن جات
ذكـرىً تزيـد البـلا فيّـه
#سلمان

(‏‎هيهات ياصاحبي هيهات)

‏‎‎تلقـى وفـي صـادقٍ مثـلي
#عازف_الم

‏‎(هيهات ياصاحبي هيهات)
انسى سنينٍ من الخـوّهـ
تبقى ولو ان زمنّـا فـات
يزيدها الوقت ع القـوّهـ
#محمد

‏‎‏‎(هيهات ياصاحبي هيهات)
انسى غـلا ذيـك الايـامي
ليا جيت بنسى زمـانٍ فـات
يجيـبك الليـل بأحــلامي
#شيخه_الروقي

‏‎‏‎(هيهات ياصاحبي هيهات)
تبطي عظم ما تناسيتـك
إسمع كلام البطل صنهات
لاغبت والله لـ اجي بيتك
#الشيخ_صنهات

(هيهات ياصاحبي هيهات)
انسى عيونك ياعذب الصوت
اعشق سواليفك العذبات
ياللي بزود الحـلا منعـوت
ايامي في بعدك معاناة
تشوتني في قدمها شوت
واحرص على شوفتك بالذات
ما فيه موعد معاك يفوت
حتى لو افرض هوانا مات
بيصير لـه خافقـي تابـوت
#سليمان_الغفيلي

(‎هيهات ياصاحبي هيهات)
‏‎اسـج عنـك و عن طيوفـك
#سارهه_الحربي

(‏‎هيهات ياصاحبي هيهات)
هيهات لو هجرك يطوّل
منساك لو طـالت الغيبات
واحفظ لك الود مثل اوّل
#نوره_العطاوي

(‏‎هيهات ياصاحبي هيهات)

عهـدٍ مضـى كيـف تغتـاله؟
وانشدك درب الوفا بالذات
وش صالحك تقطع حباله؟
ترى القسى لي معه وقفات
ماخــاف رجـلي وخـيالـه
ما عاد تفرق معي لا جات
وان علـت ما هاب عيّالـه
‎#نوره_العطاوي

(هيهات ياصاحبي هيهات)

تسـمــع نـداي وتلـبينـي
#حمد_الشمري

‏‎‎البال قـفّت بـه السجـات
والبعد ثخّن بنـا جراحـه
والعين عيّت عن المبيات
ترجي ولا هيب مرتاحه
إلين .. ترجع إلى ما فات
وتشوف من سدّها باحه
(هيهات ياصاحبي هيهات)

من دونـه نكـون في راحه
‎#صروووف

(هيهات ياصاحبي هيهات)

نرجـع سـوا مثلما الأول

خلاص حبـك بقلبي مات

وباب الوصل دونك تقفل

‎#امس_الحنين

‏‎(هيهات ياصاحبي هيهات)
هـرج العـواذل يفرقـنا
بعدك نعدّه من الضيقات
وقربك بالافراح يغرقنا
#حسن_الشيباني

(هيهات ياصاحبي هيهات)

الحب ما هوب مثل اوّل

الحب ذا الوقت جاه سبات

والحب بالماضي مطوّل

ويالله دخيلك من النكبات

وعـزّاه يا وقـتٍ يهـوّل

‎#نجيب

(هيهات ياصاحبي هيهات)

قـلـبـي يـودّك مـثـل أوّل

#خالد_القرشي

‏‎(هيهات ياصاحبي هيهات)
ما يسكن القلب احد غيرك
غلاك في خافقي ما مات
عايش بمانك وفي خيرك
والحب محصور لك بذات
عالـي مقامـك وتقـديرك
‎#حروف_المشاعر

(هيهات ياصاحبي هيهات)

والعـمــر ما عـاد ينعـادي

#عبدالله

(هيهات ياصاحبي هيهات)

وابليـس ما يدخـل الجنــه

نقل وتدقيق مدير كبير

من طرف مدير كبير: في الأربعاء ديسمبر 05, 2018 11:22 pm; ابحث في: خاص بـ سليمان الشاردي; موضوع: ضحايا العشق ( مجاراة ); المساهمات: 0; مشاهدة: 572

ضحايا العشق ( مجاراة )

تشرفت بكم وبمجاراتكم لي في الحقيقه ابدعتم واجزلتم
علماً الترتيب ليس بالافضليه

إنما باقدمية المشاركات الأقدم ف الاقدام

[ندعوك للتسجيل في المنتدى أو التعريف بنفسك لمعاينة هذه الصورة]
‏‎‎ ابيات المجاراه
البحر المسحوب
مستفعلن مستفعلن فاعلاتن
اكثر ضحايا العشق راحوا مجانين
في قيس وفـ غيره شواهد عديدهـ
العشق ما يعـرف عبيد وسلاطـين
يقـعّــد السلـطـان مـنـزل عبـيـدهـ
#سليمان_الشاردي

المشاركات
1

يورّد الشاعر على بيته ايلين
يكتب من اخلاج الضماير قصيدهـ
يكسر وراهـ قلوب ويعرّض العين
درب العمى من دمعها اللي تعيدهـ
#سارهه_الحربي

‏‎الحب ياما ساوم العقل والدين
واجبر بسلطانه عقولٍ رشيدهـ
يا معشر العشاق انتم مساجين
ومفارقتكم للحياة السعيدهـ
‎#شجون

‏‎وانا بعد صابن من الضيم ضيمين
الله حسيب اللي فعوله فريدهـ
ادمى بقلبي زاد جرحه بجرحين
شمّت بي العذال وناسٍ عديدهـ
#فاقده_غالي

‏‎انا اشهد انهم بالمحبة مساكين
العشق نار وطايلٍ في وعيدهـ
يخفقه قلب وتبكي لخفقته عين
ومع كل هذا طامعين لـ مزيدهـ
#التفاتة_غروب

‏‎وقت مضى يحتاج وقفة وتأبين
عشاق يومٍ ان النوايا حميدهـ
تعانقوا من نظرة العين للعين
ولا همّهم كان المسافه بعيدهـ
#عبدالعزيز_يوسف

‏‎عشقٍ مضىٰ ما هوب في وقتنا الحين
أرواحهم للعشق كانت زهيدهـ
واليوم غير الامس وينك وانا وين
نظراتهم للعشق صارت بعيدهـ
‎#حروف_المشاعر

‏‎ترى بدايات الهوى بين قوسين
( نظره ويتلاها مفاتن عديدهـ )
مير اجتنب يالشاردي نظرة العين
كم طيحت شهم وشجاع ووليدهـ
#محمد_الشراري

‎الحب مايعرف بنود وقوانين
في كل شرع وكل دين وعقيدهـ
الله كم طيّح وذل السلاطين
سلطانه اقوى في القلوب البليدهـ
#ابوليان

‏‎اي بالله ان الحب ماله قوانين
الويل والليل الشقاوي رصيدهـ
راع الحديدهـ حمل صدره ملايين
وراع الدراهم قعدهـ ع الحديدهـ
#سعد_غزاي

‏‎الحب ما يعرف نظام وقوانين
يمشي وتمشي معه الأجواد : سيدهـ
حبيّت لك واحد وخانك ؟ وبعدين ؟
أو أنت منهو خان صارت قصيدهـ !

#محمد_الفرحان

‏‎للتهلكه سارت خطاهم جريين
لو الهوى ما له حكم فالعقيدهـ
من طب فيه يذوق كاس الامرين
في صفحته ما فيه صفحة جديدهـ
#هاني_الحربي

‏‎أهل العشق لو كانوا فعلاً مجانين
ما كان صار الشعر زايد رصيدهـ
ربعٍ لهم في كل مجلس عناوين
في كل سكه وكل شارع قصيدهـ
‎#امس_الحنين

‏‎‎ياما حكاوي تنسمع لين ذلحين
عن من فقد عقله واحرق صريدهـ
يارب ثبتنا على الحق والدين
واكتب لنا بالخاتمه والمفيدهـ
#رباب

‏‎للحين ما لاقيت من يكمل الدين
احضى انا وياه بعيشه رغيدهـ
لي قلب ما طاوع هتاف المحبين
ولا شباك الحب تقدر تصيدهـ
‎#عاطف

نقل وتدقيق مدير كبير

من طرف مدير كبير: في الجمعة نوفمبر 30, 2018 5:25 am; ابحث في: خاص بـ سليمان الشاردي; موضوع: ابيات الشقر ( مجاراة ); المساهمات: 0; مشاهدة: 650

ابيات الشقر ( مجاراة )

تشرفت بكم معشر الشعراء والشاعرات وبمجاراتكم ابياتي ابدعتم واجزلتم

علما بان الترتيت ليس للافضليه انما بزمن المجاراة الاقدم فالاقدم

@s_b_alshardi[ندعوك للتسجيل في المنتدى أو التعريف بنفسك لمعاينة هذه الصورة]

ابيات المجاراة

البحر الصخري

مفاعيلن مفاعيلن فعولن

يقول الشاردي بعد اجتـ معنا

هــلا يا معـشـر الشـعّار معنا

لــزوم الشعر غير الـوزن معنا

خذوني لصاحبي و الّا اتركوني

#سليمان_الشاردي

......................

ابيات الشعراء والشاعرات مجاراه

‏‎هلا بالشاعر اللي لو سـ معنا
يجينا يوم بـ بيوته طـ معنا
ولا نسـتغرب إنّـه صـار معنا
لو إن البعد من دونه ودوني

#مفآرق

••••••••••••••••••••••••

‏‎يقول : اللي تعلاّ مجتـ معنا
وحنّـا سامعين وهو سـ معنا
طمعنا به لكن غاية طـ معنا
قصيدٍ معتلي جوّي و كوني!
#سارهه_الحربي

••••••••••••••••••••••••

بعـد ما شـبّ نـاره في و جاره

يقول : ابو ليـان القـاف جاره

وصحّى يوم غنّى الصبح جاره

تـنام النـاس ما نامـت عيـوني

#ابوليان

••••••••••••••••••••••••

هلا عدّ السحاب اليا شـ بعته
شريت الشعر من جرحي و بعته
ونا لا شاقني قافٍ .. تـ بعته
صحيب الشاردي حفّز فنوني
#عبقريه

••••••••••••••••••••••••

‏‎على غيثك تهمّعت وهـ معنا
ولا سالت محاجرنا ود معنا
سليل القاف يلمع لا لـ معنا
عسى الله يكون في عونك وعوني
#خالد_بن_عيد

••••••••••••••••••••••••

‏‎هلا يا مطوّع ابيوت القـ صيده
هلا والحرّ ما يعجز فـ صيده
غزير الشعر والمعنى ر صيده
على معناك هجسي هيّضوني
‎#المتيم

••••••••••••••••••••••••

الٓا يا سيد كل اهلي و ناسي

احب اذكرك لو كنـت ناسي

بعد غيبتك ما ذقت الو ناسي

انا امس الحنين اللي نسوني

#امس_الحنين

••••••••••••••••••••••••

تقول العطر ما للوجد د اعي

مدامه في قراره صار اعي

يليته للمحبه كان سـ اعي

نوى غدري وخيّب لي ظنوني

#عطر_الروح

••••••••••••••••••••••••

‏‎أُسَآرى في سجون الحب ضِـ عنا
لأنّــا للـهـوى يـومـاً اطَـ عنا
أردنـا حـبّـنا قُـوتاً فـجُـ عنا
الٓا يـا ليـتـهـم مـا خـيّـبـونـي
‎#الحنين

••••••••••••••••••••••••

‏‎الٓا يالشاعر المهووس حده
تغنّى بالقصايد فوق حده
يوقّف ناقص القيفان حده
عسى خلان قلبي مانسوني
‎#التفاتة_غروب

••••••••••••••••••••••••

الٓا يالشاردي حنّا سـ معنا

كلامك ثم على قافك ر معنا

طمعنا بالفريد وجا طـ معنا

ليا قمنا على الصعبه تهوني

#حسن_الشيباني

••••••••••••••••••••••••

سمد جمري وراحت ريح عودي

وانا انتظرك من البارح تـ عودي

وعودك خرّبت جدول و عودي

يليت اللي خذوها ياخذوني

#نايف_المرشدي

••••••••••••••••••••••••

عديل الروح ما للهجر داعي

ليا منه دعا للشوق داعي

فديتك لا تعجّل في و داعي

ينور عيون شيخه يا فتوني

#شيخه_الروقي

••••••••••••••••••••••••

‏‎نردك إلك التحيه واستمـ عنا
بسوق الشوق مرينا وبـ عنا
وداد اللي ننادى ما سمـ عنا
ولو ان الاحاسيس يحدوني
‎#نوره_العطاوي

••••••••••••••••••••••••

‏‎جزيل الشعر تعجبني حر وفه
وادقق فيه واحلل وصـ وفه
وهزل الشعر عيني ما تشـ وفه
عطوني من فرايدكم عطوني
‎#الكايده

••••••••••••••••••••••••

‏‎‎لاجا للشعر رواده و سوقه
احكّم حبكه و سبكه وا سوقه
و وساق الادب نعرف و سوقه
ولا تمشي فنونه مع فنوني

#محمد_السريع

••••••••••••••••••••••••

يعد القول شاعر من شبابه

على مبدى تزايد بنـ شبابه

يدوم الشعر ما يفنى شبابه

وصرحه ثابت بساس وركوني

#وليد_الحربي

••••••••••••••••••••••••

يقول : الوايلي والحُرّ هَدّا

سريع الردّ ما راغ ولا هَدّا

ويحشر من نوى قافه بـ هَدّا

هجومي كان ناوي في حصوني

#عبدالمجيد_العنزي

••••••••••••••••••••••••

هلا بـ الشاردي مزحه و جدّه

عريب الساس من خاله و جدّه

اشوفه ساكنً بـ أطراف جدّه

يميّز كل شكل و كل لوني

#علي

••••••••••••••••••••••••

هلا يا مرحبا والجوّ صـ  ـافي
على عدٍ نبع وسط الفيـ  ـافي
يفوح الشعر في نظمي وقـ  ـافي
على حرفك تغنّت لك فنوني
‎#الصمت

••••••••••••••••••••••••

اذا مالشعر يكتب من فر اسه !!
فلا للشعر داعي من اسـ اسه
ومن يقدح من القيفان ر اسه
فلا يقنع .. بما دون المزوني
#ساره_العتيبي

••••••••••••••••••••••••

انا وقت الشدايد دون حالي
على ان الوقت به مرٍ و حالي
لكني ما تعذر لو لـ حالي
نبي نرضيك وابشر من عيوني

#شاعر_ماهر

••••••••••••••••••••••••

الٓا ياهل الشعر قافٍ نـ شابي

عصَر قلبي ومنه الراس شابي

على اللي بعد ما صنته و شابي

تلوموني أذا خابت ضنووني !؟

#فخامة_فكر

••••••••••••••••••••••••

‏‎يقول الناهي الراهي ولا اهي
على قولاً من الاقوال فـ اهي
اذا ما كنت من ضمن الدو اهي
فعن جزل القوافي عقبوني

‎#ناهي_القاف

••••••••••••••••••••••••

‏‎صروف تقول يا غالٍ فجـ عنا
ترا صدّك تسبب في وجـ عنا
ثلاث شهور ما عنّك سمـ عنا
دخيل الله كفَى زادت حزوني
‎#صروووف

••••••••••••••••••••••••

ظهر مثل القمر بالروح باني

على وضح النقا للحب باني

وشيّد له وسط قلبي مـ باني

حبيبي ساس بيته في عيوني

#ريماش

••••••••••••••••••••••••

يطول غيابنا وليا حضرنا

نجمّل بالحضور اللي يَـ حَضرنا

عسى اللي من حساباته حضرنا

عسى ماهو بناسي يا عيوني

#مثل_شاعر

••••••••••••••••••••••••

27
‏‎تغنى الشاردي واحنا سمعنا
واقل للشاردي والناس ـمعنا
إذا للشعر كاس الكاس ـمعنا
يطيح الكل ما طاحت ركوني
#عبدالرحمن_الشريف

••••••••••••••••••••••••

28
‏‎شعاني شقرك اللي له سـ معنا
وقمت افتْش حروفه واتـ معنا
وبـ ملاحاة مكتوبك طـ معنا
عسى فالـك معـانقـة الفتوني

#حمود_الشمري

••••••••••••••••••••••••

‏سريت الليل غدرى ماش لمبه
وحلو النوم عيني ماتعـ لمبه
ونار الشوق بالقلب تأ لمبه
جنون الحب زوّد لي جنوني

#مفرح_العتيبي

••••••••••••••••••••••••

دوا بالقلب داوي يوم د وّا
الٓا يالله دخيلك ويش سـ وّا
تلوى عقربان البرق جَـ وّا
كووني و اجرحوني و اوجعوني
‎#ناهي_القاف
••••••••••••••••••••••••
31
بعد شفنا المجارا والمد ايح
نصفق لك على انصاف اللو ايح

ويا شرهات خطّرنا القـ ـايح
لاباس اهل المعرفه يفهموني
#حمود_الشمري

نقل وتدقيق مدير كبير

[ندعوك للتسجيل في المنتدى أو التعريف بنفسك لمعاينة هذه الصورة]

تقبلوا تحياتي اخوكم سليمان الشادري