طبيعتي ( مجاراة )

الإثنين نوفمبر 26, 2018 1:44 am

اجزلتم وابدعتم وتشرفت بمجاراتكم

#ابيات_المجاراه

( بحر المسحوب )

مستفعلن مستفعلن فاعلاتن

طبيعتي والسر عندي فتابوت
ساكت وكافي الناس شري وخيري

ما اشكي لغير الله همّي لو اموت
صبري على نفسي ولا صبر غيري

#سليمان_الشاردي

ابيات الشعراء والشاعرات المشاركين فالمجاراه

________________________

ما للمآسي قاع .. وأحلامنا قوت
والحزن اصعب همّ يطعن ضميري

متى على الله تمتلي دنيتي توت
متى يرفرف بالسماوات طيري

#شجن

________________________

همّي على صدر الورق أثقل النوت
خايف ولا أدري وش نهاية مصيري

واقف على سور الشقا احتري الموت

عطشان دلوي ما وصل قاع بيري

#لاريســآا

________________________

الفوت لمن فات ماينفع الصوت

والناس ماتنفع وهذا مسيري

كم مرةٍ في داخلي هم منحوت

اضحك ولا بيّن معالم مصيري

‎#صمت_شاعره

________________________

الوقت علقـم لكن اتذوّقه توت
باسي قوي لو انّ وضعي خطيري

أصبر على سود الليالي لو اموت
واموت واقف .. كان هذا مصيري

#جهني

________________________

‏‎الصبر تاج الراس جوهر وياقوت

واكتم انا غيضي ولا فيه ضيري

ازيل من قلبي علاقته واشوت

وازرفل أبوابي وحط الخفيري

#احمد_الشيخي

________________________

‏‎بعض الطبايع كنها لبسة بشوت
على عقيد القوم والّا .. الاميري

وقت الرخا تسقيك من عين جالوت
وإن كبرت القالات تستر ضميري

‎#خالد_عيد

________________________

‏‎في دوت كم .. السر يلقىٰ مية دوت!

وتزاحموا .. في سد بيرك وبيري

ماكنت اظن بيوم .. يتكلم التوت

مدري هو اللي باح والّا .. عشيري ؟

‎#علي

________________________

‏‎‎البوت وسط اليمّ وش يضمن البوت
لاصار جزر ومد.. وضعه خطيري

واليا انقلب وسط البحر ياكله حوت
والحوت بطن البحر ماهو يطيري

‎#ننزف

________________________

‏‎ياشاكيٍ همّك على ملهم الحوت
في حفظ يونس من سواد المصيري

وجّهت للي بيده إحياك والموت

ومن يتّجه لله .. له الله يجيري

واللي يجنّب منّة الخلق مبخوت

ياصاحب الراي السديد النويري

‎#صروووف

________________________

‏‎دامك شكيت الهـمّ لله مبخوت

وحده قريب لفزعتك والنصيري

حافظ على ذكره محافظك للقوت

والسر .. لا تبديه لو هو صغيري

#احمد_المنتشري

________________________

‏‎الصمت حكمه لاهرج كل مفلوت

والخيّر اللي يرجع ويستخيري

العاقل اللي مالحق الصوت بالصوت

يازن خُطاه ويتزن بالمسيري

‎#فالح_الركابي

________________________

‏‎ياليتني أبقىٰ صغيّر .. ولا موت

لافكر بهمّي .. ولا همّ غيري

يا اعظم أحلامي حلاوه وبسكوت

والعب انا واخوي ( تومٍ وجيري )

‎#عمر_الشاردي

________________________

‏‎‎واللي نصر بالدين والحق طالوت

دامك تقول : الخير ابشر بـ خيري

الناس ماتغني ولا تعطيَ القوت

رزقي على ربّي .. وربّي نصيري ..!

‎#جايلا

________________________

‏‎الحمد لله عايش ومهتني قوت
لو ماعرف وشهي نهاية مصيري

ما احب قيل وقال ولسان مفلوت
دايم على الدنيا مريّح ضميري

‎#ن

________________________

‏‎يالله يامنجي نبيك من الحوت

ياللي لغيرك مايحث المسيري

تعلم خفايا النفس بالسر والصوت

يارب تنجيني من الزمهريري

‎#شجون

________________________

‏‎ اذم هرجات القفا وارجع اشوت

تيك الدروب اللي تخالف لـ سيري

ماكل قولٍ يدخل العقل ويفوت

اميّز الفكره .. واميّز خشيري

‎#التفاتة

________________________

‏‎اشياء فاتت ماتمنيتها تفوت
واحلام ماتت في غياهب ضميري

حنا بزمن شت لي اضبط لك تشوت
زمن يشيّب بالرضيع الصغيري

ياحيلة الله لو معي سحر هاروت
استغفرك ياللي بيدك مصيري

#مداهيل

________________________

‏‎مالي ومال الخلق باخت ومبخوت

تارك جمال الناس واشعب بعيري

لوصار قلبي من عنا الوقت مفتوت

من له صلاحيه يغيّر مصيري

#هاني_الحربي

________________________

‏‎همك شكيته للولي سابق الفوت

اللي على تفريج همّك قديري

لو الدرر في هرجك الصمت ياقوت

يغنيك صمتك عن كلامٍ كثيري

وقرب البشر مثل القدر لحظة الموت

مامن مفر منهم ولا من مطيري

فيهم عزيزٍ نخوته تسبق الصوت

وتلقي بعضهم ميّتين الضميري

‎#نوره_العطاوي

________________________

‏‎سلام ياسليمان واهدي لك بيوت
معها وسام الحب بشتي وطيري

بالبر ذيب .. وبالبحر كنك الحوت
وبساحة الشعّار مثل ( السديري )

كنّيت سر الجوف وبداخلك صوت
علق صدى صوته بصوت القميري

الله كريم ويفرج لكل مكبوت
و تشدّ سيرك مثل ما اشدّ سيري

‎#قلم_بلاحدود

________________________

‏‎الفوت لامن فات ماينفع الصوت
يارب ثبت خطوتي في مسيري

من بادي الأوقات والعمر موقوت
والعالم الله وش نهاية مصيري

‎#امس_الحنين

________________________

‏‎لو كان عندي لسواليف ريموت
سكرت هرجاً فيه ضيقه لـ صدري

الصمت بعض احيان اقوي من الصوت
يقتل عدوك كنه رصاص جثري

#ابوليان

________________________

‏‎الراس مرفوعه .. وبندق ونبوت

أرمي بها من هو يتعدىٰ حظيري

شامخ ومتوكل على كافل القوت

اتبع كتاب الله.. وله أستخيري

دايم بشرع الله مقيّد ومثبوت

اعسف هوى نفسي واشري مصيري

#رباب

_____________________

‏‎لافاتك الفوات ماينفع الصوت

وجدي على بن عون والّا السديري

ماتت مشاعرنا بنظرات وسكوت

لا بد ما وقت السعد .. يستديري

‎#حرق_جوف

________________________

‏‎ياليت لهروج الملاقيف ريموت
اللي حكاويهم تعرقل مسيري

كثر السكوت يخليَ الوضع مفلوت
لاصار صمتي ما يريِّح ضميري

‎#حروف_المشاعر

________________________

‏‎‎‎يالله عسى الهرّاج في حقده يموت

وارتاح من هرجه و يرتاح غيري

واحد عديم الذات بايخ وهلفوت

مذموم طبعه فالخلايق خطيري

#الريم

________________________

‏‎لو فكر الانسان في نغمة الصوت
وكيف الطويله والقصيره تطيري

موجات وبسرعة بها ذبذبه تفوت
مثل الحياة اللي مداها قصيري

#موج_القصيد

________________________

متى يفوت الفوت ماينفع الصوت
وسبحت في بحرٍ عميقٍ غزيري

ياللي نويت تهرّب وعندك فروت

غديك عن بلشاتها تستخيري
‎#العواجي

________________________

‏‎فعل الرجال اللي على الصخر منحوت

وبالعرف ماعنكم محيد اومطيري

فعل المراجل عندكم يسبق الصوت

ما هو بهرجٍ وسط خرج البعيري

#معحب

________________________

‏‎حيّ البيوت اللي يجاوب لها الصوت

النادرات الفارقات بضميري

بيتين والبيتين عن جملة بيوت

في صفحتك مثل السراج المنيري

#عبقريه

________________________

‏‎العاقل اللي ياخذ العلم مثبوت

والى نوى له نيّةٍ يستخيري

يحسب حساب الضبع والذيب.والحوت

والى طلب رايه برايه يشيري

‎#الوسم

________________________

بيتينك اللي وازنت عدة ابيوت

يتعب مجاريها ويرجع حسيري

بيتن فيها سحر الابداع مكتوت

من شاعرٍ عذب و ( مديرٍ كبيري )

#المتيم

________________________

‏‎اجمع فتات الصبر وجبه بها قوت
واروّض النفس بقناعة مصيري
عين العقل حربٍ كما عين جالوت
و راي عندي والعزيمه شويري
‎#نور

________________________

‏‎‎ابيات شعرك كنها ازهار بيروت

خلت خلايا المخ صفر صفيري

مثل الفواكه ناثرن فوقه التوت

وحنا على القيفان نتابع مسيري

#قرناس

________________________

‏‎زود التشكي للبشر طبع ممقوت

والله تعالى بالخوافي بصيري

اصبر وخلك للبواريح عنتوت

وايامنا لو طوّلت تستديري

‎#وليد_الحربي

________________________

‏‎كم واحدٍ منه الحيا شبه محتوت

اليا لقا الغرّات جاله هديري

يجيك بالبسام كاشخ وبالكوت

وان شفت زوله قلت وش هالاميري

واليا هرج يهديلك المرّ مفتوت

قليل عرف وللمشاكل يثيري

‎#حسن_الشيباني

________________________

‏‎يومك طلبتن بالمجاراة والصوت

جيتك أنا الأستاذ دامك مديري

صبري على صخر المهمات منحوت

مرسوم في وجه الزمان المغيري

حقي أجيبه من قبل فايت الفوت

مثل القضيه في ممات الحريري

حنا نشوف الناس صاحي وسربوت

وأنت الكفو سليمان أهلاً عشيري

‎#علي_الشملاني

________________________

‏‎اللي لسانه بين الاجواد مفلوت

وللكلمه العوجا يحثّ المسيري

مايستفيد ولو رفع عالي الصوت

ولا احدٍ يبي مثله خويّ وشويري

‎#شيخه_الروقي

________________________

‏‎نهاية الدنيا يابن سالم الموت

وجور الليالي مثل حد الشطيري

تغانم الدنيا قبل ساعة الفوت

واحرص على طيب العمل والضميري

#احمد_المرواني

________________________

الناس ماتعطيك شربٍ ولا قوت
والشوك بالزهره يعقب العبيري
اللي بصدرك لا تطوّل به الصوت
لوكان له بين الحنايا سعيري
‎#خالد_الحربي

________________________

‏‎يالشاردي : لوكنت شارد ومكبوت

لا تقول انا يمكن اغيّر مصيري

فضفض ترا منهو كتم داخله الصوت

يروح .. وضعه..! فالنهايه خطيري

‎#علي_الغانمي

________________________

‏‎لاجيت ابحكي انثر حروف ياقوت
ولغو الهروج مفارقه خط سيري
ماهمني من ينبح اقْفاي ببهوت
على النقا باعيش وارضي ضميري
‎#الحنين

________________________

‏‎اعاند الاوقات بالحلم وتفوت
والوقت ما يرحم ولو قلت بدري
والحظ ماجابه نديبً ولا صوت
ضيعت عمري بين يمكن ومدري

#غريب_ومهاجر

________________________

‏‎ماجيب للهرّاج لو يعلي الصوت
مشغول في حالي واحكم ضميري
موكل الله في شرابي وفي القوت
ولا اسلم أحدن دون حالي مصيري
#النايف

________________________

تقبلوا تحياتي