احتفظ بالسر

الجمعة أغسطس 17, 2018 6:26 am

شيلة نسانيس الهبايب

الشاعره الأنيقه : مـداهــيـل

تلّ قلبي تلّة اللي مشترينه

جيبً يسابق نسانيس الهبايب

يقطع الأميال والسرعه تعينه

وراد اليابان ملعون الصلايب

سايقه ضايق يبي فرقا المدينه

كنه اللي فاقداً كل الحبايب

ضايقً صدره من الحال الحزينه

زاد بالسرعه وقضبه الصعايب

تسمع انبيره يلجك في رنينه

جايب الطبلون لعيون النوايب

مانقل همّه ولا همّ المكينه

صاملً كنه من السبع العجايب

تلّ قلبي مثله ويشبه حنينه

من جروح الوقت وجروح القرايب

كم سنه وهمومي بصدري دفينه

وصعب أوضح للعرب بعض السبايب

والكلام اللي بقى بينه وبينه

نوب صلح ونوب هوشات وطلايب

لجل اغيض اللي نواياهم لعينه

احتفظ بالسر وجروحي عطايب

lol!

نقل وتدقيق مدير كبير