سلام الله يا ربعي

السبت يوليو 04, 2020 1:03 pm

سلام الله يا ربعي

بحر الشيباني الهزج

مفاعيلن مفاعيلن مفاعيلن مفاعيلن

ســلام الله عـسـى ربــي يـبارك دوم جـمعتنا

سـلام ايـقدّيَ الـساري مسا ليله سماها غيوم

ســلام الله وقــروب الـشـعر مـحتاج وقـفتنا

سـلام الله مـن قـلبٍ عـلى هـمه تـزود هـموم

ســلام الله يــا ربـعـي .. تـحـرّوا أمـر إدارتـنا

سلامٍ يحمل اشواقي مع بعض العتب واللوم

ســـلام الله والـتـكـلان احــد اسـبـاب عـلـتنا

مـع الـتكلان حـنا شعب يرتع فالكسل وينوم

وانا اتحمّل عواقبها تـروهـا فـرصـة وجـتـنا

واشـوف ان فـاتت الفرصة تندمنا عليها دوم

اذا مــــا كــانــت الـوقـفـة تـوصـلـنا لـغـايـتنا

بـلاش الـوقفه الـلي مـا لـها داعـي ولا ملزوم

عـلـى ان الـشعر فـكرة شـرحنا ابـعاد فـكرتنا

وجـدنـا رغـبـةٍ مـنـكم تـفرج كـربـة الـمهموم

ورسـمـنـا لـلـهـدف خـطـة وتـكـتكنا لـخـطتنا

عـناصر كـلها قـوة دفـاعات ووسـط وهـجوم

بـديـنا الـجـوله الاولــى بـنصر اظـهر هـويتنا

بـعدها روحـنا غـابت وصرنا الخاسر المهزوم

تـغـيّـر حـالـنـا فــجـأة وكـــن الـعـين صـابـتنا

مـع ان الـسبب واضـح فقدنا صبرنا المزعوم

بَـعَضنا غـاب مـا عـوّد وصـمت الـبعض موّتنا

بـَعَضنا والـحقيقة تـقال مـاقدّر جـهود الـقوم

اذا بـاقـي لـكـم رغـبـة نـواصـل في مـسيرتنا

لــزوم نـوحـد الـكـلمة وكـلٍ لـه عـمل مـعلوم

واذا مـــا ودّكــم عـــادي .. عـلاقـتنا عـلاقـتنا

ولا شـيٍّـا يـغـيرها ومــن طـبع الـكرام تـشوم

انــا فــي خـاطري مـشــروه هِمتَنا مـا هَـمتَنا

بـغينا قـروبنا مـدهال شـعر وراح غـرفة نـوم

بــعــون الله قــررنــا .. ونـلـزمـكـم لـطـاعـتنا

اوامــر خــط عــوده نـعتبرها لـلقروب الـيوم

تـشـكَّـل بـامـرنـا لـجـنة عـمـلها رصــد قـوّتـنا

تـبيّن جـهد من يعمل ومن لامن قعد مايقوم

ويـعفي الصين من منصبه رغبة منه وصلتنا

يـبـلغ امـرنـا هــــذا على كل الـقروب عـموم

حـسـب مــا يـقـتضيه الامــر لـمـهمة إدارتـنـا

بـعون الله ابـو آمـال مـدير ابصادر الـمرسوم

خـتام الـسالفه صـلو عـلى مـن جـاء لـنجدتنا

رسـول الله الى كـل الامم والهاديَ المعصوم

سليمان الشاردي