يا الـعقاب

الإثنين مارس 11, 2019 6:56 am

يا الـعقــــــاب

بحر الرمل
فاعلاتن فاعلاتن فاعلاتن فاعلاتن
يا الـعقاب الـلـي على الـمشراف وسـع لـي تـراني
ضــايـقٍ مــن عـام الاول وادهـلـه قـبـلك وادلـــه

يـوم ربـي قـد كـساك بـريش وش لـك فـي مكاني
مـاتـخـاف مـــن الـعـقـوبه يـــوم تـاتـيه وتـحـله

دام لــك جـنـحان وش تـبـغي بـمـشراف الـبـياني
خــل مـشـراف الـفـقير الـلـي بــلا جـنـحان خـله

ذا مـكـاني يــوم رمــح الـغـدر مــن حـره زوانـي
مـــا لـخـتـالي عــلـي حــجـه وانــا سـلـه ودلــه

وهــو عـلـى مــا قـيـل شـماعة هـمومي لا بـلاني
صـاحـبٍ يـاكـل يـديـه وهــو عـلى مـذهب ومـله

وهــو مــلاذي عـقـب خـالقنا جـميع الـى ضـواني
ضــيـقـة فــالـصـدر ولا جــاتـنـي لـلـدمـع خــلـه

لا بـديـته مــا حـسـد راع الـتـرف واهـل الـمباني
يـحـسبون ان فـرقـهم واضــح عـلـي واقـول لـله

سـجـة فـي راس مـشرافي وانـا غـطرف الاغـاني
والله انـهـا فــي عـيـوني عــن مـيـة فـندق وفـله

فيه احس اني على احسن حال واني شخص ثاني
واتـحـلـل مـــن حـــرام الــهـم لا جـيـنه واحـلـه

وذا مـكـاني عـقب مـا صـبري عـلى كـبدي كـواني
والله ان كـنـي عـقـب فـرقـاه بـيـن كـفـوف مـلـه

واحـــدٍ زلـــه حـشـاي ومـسـكنه بـيـن الـمـحاني
مـسـكنه بـيـن الـمـحاني والـحـشا والـصـد زلــه

قـلـتها لــه قـبـل لا وقـتـي عـلى الـشعر يـحداني
خــايـف م الله يـتـمـم واعـــرف ان فــلان عـلـه

قــال خــل اشـكوكك الـلي تـترك الـراوي ظـماني
مــا يـصـيبك فــي جـبينك مـن خـلقك الله تـشله

قـلـت ذا والله بــلاي اشــوف وش مـدة زمـاني
لا يـكـون الـلـي كـتـب لــي فـارقه مـن غـير زلـه

لا تـضـيـق مـــن الـتـشـاؤم واحـتـمالات الأنـانـي
خـايـفٍ لاشــرب بـعـد كـاس الـنصر كـاس الـمذله

قــال وش تـبـغي بـحـكي الـحزن والـدنيا فـهاني
لا تـعـيـشنا زمـــان الــحـزن قــبـل يــحـل حـلـه

قـلـت مــا تــدري وانــا الــداري بـعـاقبة الـتماني
غــيـر عـاهـدنـي وريـحـني واشــل الـحـزن كـلـه

قـال شـفت الـموت لـو بـيدي مـهو كفو ال خذاني
بــس لا تـشـره عـلـي لــو لـبـسوني غـصـب حـله

قـلت اجـل وانـا وفـاي مـن الـجدي حـتى اليماني
مــرتـضـي غــيـرك ولا اظــنـه ولا ظــنـي لا بالله

قــال اجــل سـلـم عـلى روحـك وانـا كـلي تـهاني
يـــوم عــرسـك والله ان اهــل مـجـدولي وافـلـه

وراحــت اسـنين الـتلاقي مـشيها مـشي الـثواني
مـــا درى عـــن حـبـنـا الا ظــل مـحـبوبه وظـلـه

غــيـر حــول يـالـعقاب وخــل مـشـرافي تـرانـي
ضـايـقٍ مــن عـامـا الاول وادهـلـه قـبـلك وادلــه

قـلـتها مــا قـصـدي انــه يـقـال صـح الله لـساني
قـلـتـهـا لــعـيـون مـــن ســبـب كـتـابـتها لـعـلـه
#محمد_بن_فطيس

تقبلوا تحياتي

نقل وتدقيق مدير كبير