ونّ ابن جدلان من لايعٍ لاعه

الأربعاء ديسمبر 06, 2017 7:23 am

ونّ ابن جدلان

ونّ ابن جدلان من لايعٍ لاعه
كن فـي كبدي دوافير صنّاعي
العب المنكوس واحب روباعه
ممّلٍ في الوقت والوقت خداعي
ما دريت ان ضحكة الوقت خدّاعه
شفت مدخالي ولا شفـت مطلاعي
لا بغيت أسج والّا انبسط ساعه
دق قلبي من ورا حدب الأضلاعي
كن ما بين الضلوع آلة طباعة
وتشتغل لا نمت واقوم مرتاعي
هم قلبي ما يفرّق تجمّاعه
كود جر الصوت والناس هجاعي
فاقدٍ لي سلعةٍ وأكبر أبضاعه
سلعةٍ تشرى ولا هيب تنباعي
رفقة الطيب ليا غيّر أطباعه
أشهد أنها كيةٍ توجع أوجاعي
راكب إلي صممه صاحب أصناعه
جمس بيك أب من حديثات الأنواعي
الغريب إللي جديدٍ من أنواعه
حوض رفرف ما يبي شد وشراعي
لا أونس البنزين عجلٍ تفرقاعه
مخطرٍ من سرعته يقلع أقلاعي
لا تحرك شفت في القـاع مشلاعه
والتواير تظهر الما من القاعـي
ينعش القلب الحزين ابتهملاعه
لا مشى قام يتهملع تهملاعي
لا وطى الارض العتش كن تهزّاعه
بنت شيخٍ طامحٍ مـن ولد راعي
في رجا الغايب تحرّى لـ مرجاعه
تنقد العشّاق وتطق الأصباعي
نفسها من جملة النـاس منصاعه
ما تبي إلّا واحدٍ ذكره إيشاعي
ينحر اللي ياخذ الطيب بذراعه
الصديق الصافي الصامل الواعي
الوفاء والطيب ساسه ومنباعه
يوم بعض الطيب تقليد وصناعـي
لا وصلتوا فـ اخبروني عن أوضاعه
وأخبروا راعي السمارى عن أوضاعي
أنشدو ويش السبايب بـ مهزاعه
لا عليّ ناقص ولا أبيه فزّاعي
ودّنا نرضيه ونحاول إقناعه
كان بن مهمل بعد يسمع الداعي
كان يبغى حق للحق قطّاعه
نقنعه والحق ما عنه مجزاعي
وكان مبغض في الرياجيل بتّاعه
لا يجي ناقد ويلحقني أرياعي
للصديق نخلّي النفـس خضّاعه
ما نوريه الجفا والتمطّاعي
الصداقه عندنا ذخر وطماعه
صحبةٍ ما هيب صحبة تمتّاعي
حد جدتها على البرق لماعه
وإن خذت يومين مفعولها ضاعي
إن تجمعنا على العزّ والطّاعه
وأن تفرقنا فجوج الله أوساعي
ما أطرد المقفي ليا صفّط إشراعه
ما اخبل اللي المقفين تباعي
من يحط إذنه على كل سماعه
جاه فرقاً ما بعدها تجمّاعي
والزباد إختام هرجي ومطلاعه
يدفعه من ريحة المسك ذعذاعي

الشاعر : سعد بن جدلان

نقل وتدقيق : مدير كبير

afro