بنت الحزن

الثلاثاء يناير 15, 2019 11:55 am

بنت الحزن
للشاعرة : شجون
المسحوب
مستفعلن مستفعلن فاعلاتن
‏بنت الحزن مالك ومال السعادهـ
مالك ومال العالم اللي به سرور
من رحم حزنك أنولدتي ولادهـ
يا بائسة قولي متى شفتي النور؟؟
احن حضن إليا بكيتي وسادهـ
والطف سند لحافك اللي بدا يبور
ياشاعرةيومك فقدتي الإرادهـ
ليه التزمتي الصمت مع غامض شعور
لون الحزن اللي لبستي سوادهـ
منهو كساك الثوب الاسود بلاشور
والعمرهذا منتهي بك حدادهـ
والشارع محددله أيام وشهور
عهد الصبا ولى ولا له إعادهـ
مع خالص التجريح ماهوب مشكور
وسلاح صبرك لا انقطع بك عتادهـ
يفداك يا عزم الصبر كل مذخور
روحي لبياع الفرح في بلادهـ
وعطيه قلبٍ منفطر كله كسور
قولي له ان الحزن فالقلب عادهـ
وقالوا لي : اهل العرف تلقين دكتور
وفصل الشتا لا من تنفس برادهـ
وان صار جوّ اليل هادي وممطور
مشاعري تعلن علي النكادهـ
كن داخلي بيتٍ مظلِّم ومهجور
دكتور دام إنك خذيت الإفادهـ
لا توجع اللي جاك مايقبل الشور
طبعه عنيد وراس ماله عنادهـ
وانته كبير ولا لحق راسك قصور
عامله مثل الطفل كله بلادهـ
لوتبتسم له بالفرح صار مغمور
خاطب مشاعر قلب خاطب ودادهـ
تلقاهـ لك جنه وتلقاهـ لك حور
عطاك عهد وصدقه بالشهادهـ
وحلف لك أيمانٍ غليظه مع انذور
إنك هوى قلبه وغاية مرادهـ
وغيرك بعيد وعن حما القلب محظور
‎#شجون

قل وتدقيق مدير كبير
afro